قصة دارميات مع دار الاحباب الخاليه منهم
1
زيديني بالدمعات للدمعهَ محتاز
ورجعي صدى الاهات يادار الاعزاز
----
2
بلكت نسوا تصوير فوك الحياطين
الدار المشوا طبيت والدمعه بالعين
لا
لا ما نسوا تصوير كلها خذوهه
يالساعدي الحيطان مثلك سبوهه
----
3
ناحت ابوسط الدار روحي ابولمهه
وبغرفة المحبوب رادتني اطمهه
---
4
ابابج لاضل ناطور وافني شبابي
يادار أشمن بيج ريحة احبابي
----
5
ويايمة ل تلومين من عيني راحوا
ضلت خليه الدار من عدهه شالوا
---
6
مسكينه بس اتنوح منتظره غياب
افكدهه والكه الروح يم عتبة الباب
-----
7
خل اليلوم ايلوم مجبور امر بيج
ويوميه بالدمعات يادار اواسيج
---
8
مثل الطيور اتحوم روحي اعله دارك
وبكًلبي شبت نار مر طفي نارك
----
9
صعبة تشوف العين دارك خليه
من غربت لليوم شمسوي بيه
----
10
اصرخ ابنص الدار يرجع صداهه
اتجاوبني بس الموت روحك دواهه
-----
11
جن ذكرى الي الضحكات وبداره ضمها
يا ضحكته الهل يوم واسمع نغمها
---
12
راحوا بعد يا دار خلوني مجنون
وحجايه للعذال ويه اليلومون
----
13
اعميهه بالدمعات شلك بالعيون
يالساعدي الماشين ما ظن يرجعون